ભજન - કેમ તો મુંજાણી મતિ તારી

કેમ તો મુંજાણી મતિ તારી
એ એવો વણજે આવ્યો વપારી....ટેક

સોંઘુ જાણીને તમે સાટું નવ કરજો રે … જી…
એ વસ્તુ જ લેજો વિચારી....એવો વણજે

મનખ્યા પદારથ તને માંડ કરીને મળ્યો
એમા બાંધી ભૂંડપની ભારી....એવો વણજે

સદગુરુને તમે સંગાથે લેજો વ્હાલા
એ આપે શિખામણ સારી....એવો વણજે

હરિજન માટે તમે, હરિરસ વ્હોરજોને
શુદ્ધ – બુદ્ધ રહેશે એમાં સારી....એવો વણજે

દાસી જીવણ રે સંતો ભીમ કેરે શરણે
શરણે આવ્યાને લેજો ઉગારી....એવો વણજે