નવી દિલ્હીઃ ટાટા કન્સલટન્સી સર્વિસીસ (ટીસીએસ) ભારતની એક માત્ર એવી કંપની છે જે એચ-1બી વીઝા માટે વિદેશી શ્રમ પ્રમાણન (ફોરેન લેબર સર્ટિફિકેશન) મેળવનારી ટોચની દસ કંપનીઓમાં સામેલ છે. અમેરિકામાં શ્રમ વિભાગના આંકડા અનુસાર આ સર્ટિફિકેટ વર્ષ 2018 માટે આપવામાં આવ્યું છે. ભારતીય આઈટી પ્રોફેશનલની વચ્ચે H-1B વીઝાની માગ સૌથી વધારે રહે છે.
ટોપ 10માં સામેલ થનારી ટીસીએસ એક માત્ર ભારતીય કંપની બની છે. અમેરિકાના શ્રમ વિભાગના આંકડાઓ પ્રમાણે ટીસીએસને 20 હજાર સર્ટિફિકેશનની સાથે આ લિસ્ટમાં સામેલ કરવામાં આવી છે. આ લિસ્ટમાં સૌથી ઉપર અર્નેસ્ટ એન્ડ યંગ છે. આ કંપનીએ પ્રથમ સ્થાન કબ્જે કર્યું છે.
લંડનની આ કંપનીને એચ-1 બી અંતર્ગત આવનારા કામો સાથે સંકળાયેલી 1,51,164 પદો માટે આ પ્રમાણપત્ર મળ્યું છે. નાણાંકીય વર્ષ 2018-19 દરમિયાન જેટલા પણ વિદેશી લેબર સર્ટિફીકેશન ઈસ્યું કરવામાં આવ્યા છે, તેમાં કંપનીની ભાગીદારી 12.4 ટકાની છે.
અર્નેસ્ટ એન્ડ યંગ બાદ આ લિસ્ટમાં ડેડલાઈટ કન્સલ્ટિંગનું સ્થાન છે. તેને 68,869 સર્ટિફીકેશન મળ્યા છે. કોગ્નિજેન્ટ ટેકનોલોજીને 47,732 સર્ટિફીકેશન મળ્યા છે. જયારે એચસીએલ અમેરિકાને 42,280 સર્ટિફીકેશન મળ્યા છે. K Force Incને 32,996 અને એપ્પલને 26,833 સર્ટિફીકેશન પ્રાપ્ત થયા છે. જયારે ટીસીએસને કુલ 20,755 એચ-1 બી સર્ટિફીકેશન પ્રાપ્ત થયા છે.
0 comments:
Post a Comment